Stofnun Martinusar (Martinus Institut) er góðgerðarstofnun (almennyttig institution), sem Martinus stofnsetti með það að markmiði að deila með umheiminum höfundarverki sínu um andleg vísindi. Hann hefur falið stofnuninni alla ábyrgð og réttindi á heildarverki sínu Þriðja Testamentinu og hann hefur lagt línurnar varðandi þau verkefni sem stofnunin hefur með höndum. Þetta þýðir í stuttu máli að stofnunin ber ábyrgð á því að varðveita, þíða og gefa út ritverk Martinusar og að auki að upplýsa og fræða út frá verkinu.

Það tilheyrir þessari ábyrgð að halda vörð um innihald Þriðja Testamentisins. Stofnun Martinusar hefur höfundarréttinn til útgáfu á verkinu á öllum tungumálum, hvort sem það er í bókarformi, á vefnum eða á annan hátt. Á þennan hátt vildi Martinus tryggja að það væri til ein stofnun (Institut) í heiminum, sem tæki ábyrgð á útgáfu verksins á löggildan hátt, og sem gæti gefið upplýsingar og boðið uppá kennslu, sem byggir beint á þessu verki.