| |
|
|
12 atriði er varða þróun mannkynsins
Í fyrsta bindi af aðalritverki sínu Livets Bog (Bók Lífsins) - fjórða
kafla, lýsir Martinus alþjóðlegu heimsríki sem er í mótun. Hann setur þar fram 12 atriði sem
þróunarorka hins jarðneska manns mun beinast að við sköpun þessa framtíðar heimsríkis.
- Sigur óeigingirninnar yfir eigingirninni í hvaða mynd sem er. (Sigur hinna sameiginlegu
hagsmuna yfir sérhagsmunum).
- Myndun alþjóðlegrar, lýðræðislegrar heimsstórnar.
- Afvopnun allra landa. Stofnun alþjóðlegrar, hlutlausar heimslögreglu.
- Þróun alþjóðlegra, æðstu laga og réttarfars, er starfi fyrir opnum tjöldum – ekki leynilega
– undir stjórn fremstu vísindamanna jafnt á andlegum sem efnislegum sviðum, sem hafi reynslu
og hæfileika til að þekkja muninn á ”óeðli” og ”afbrotum”, þekki gang þróunarinnar og eilíf
lögmál tilverunnar og geti þar með tryggt öllu og öllum fullt réttlæti.
- Afnám einka eignarréttar á verðmætum og að heimsríkið fái eignarréttinn.
- Afnám peninga. Vinnukvittanir einstaklinga fyrir persónulegt starf verði eini
gjaldmiðillinn.
- Stofnun sameiginlegs barna-, elli og sjúkrasjóðs fyrir allt heimsríkið á grundvelli
frádráttar af vinnukvittunum.
- Notkun tækninnar til að draga úr líkamlegri vinnu og skapa aukinn tíma og tækifæri til náms
og andlegra rannsókna.
- Afnám ofbeldisstefnu og blóðsúthellinga.
- Afnám pyntinga, barsmíða og dauðarefsinga. Í staðinn komi önnur úrræði s.s.
faglegar/kunnáttusamlegar gæsluvistir og uppeldisheimili.
- Þróun næringar úr jurtaríkinu, heilbrigði og líkamsræktar og heilnæmra og bjartra húsakynna.
- Þróun andlegs frelsis, umburðarlyndis, mannúðar og kærleika til allra lifandi vera, til
manna og dýra, til jurta og málmsteina.
(Livets Bog (Bók Lífsins) 1, 4.kafli. Grein 118)
|
